ബ്ലാസ്റ്റേഴ്സിന്റെ ആ നാണക്കേട് മാറുമോ? വിബിൻ ഇന്ത്യൻ സ്‌ക്വാഡിൽ!
കഴിഞ്ഞ ഇന്റർനാഷണൽ ബ്രേക്കിലേക്കുള്ള ഇന്ത്യൻ സ്‌ക്വാഡ് പ്രഖ്യാപിച്ചപ്പോൾ ബ്ലാസ്റ്റേഴ്സിന് നിരാശയായിരുന്നു ഫലം. എന്തെന്നാൽ ഒരു ബ്ലാസ്റ്റേഴ്സ് താരത്തിന് പോലും ഇന്ത്യൻ ടീമിൽ ഇടം നേടാൻ കഴിഞ്ഞിരുന്നില്ല. ഇന്ത്യയിലെ തന്നെ ഏറ്റവും വലിയ ക്ലബ്ബുകളിൽ ഒന്നാണ് ബ്ലാസ്റ്റേഴ്സ്.ഈ ക്ലബ്ബിനെ പ്രതിനിധീകരിച്ചുകൊണ്ട് ഒരാൾ പോലും ഉണ്ടായിരുന്നില്ല എന്നത് തീർച്ചയായും നാണക്കേട് സൃഷ്ടിച്ച ഒരു കാര്യമായിരുന്നു.
ജീക്സൺ സിംഗ് ക്ലബ്ബ് വിട്ടതോടെയാണ് കാര്യങ്ങൾ മാറിയത്.രാഹുൽ കെപിക്ക് ഇപ്പോൾ ടീമിൽ ഇടം ലഭിക്കാറുമില്ല. എന്നാൽ ഇത്തവണ ഒരൊറ്റ ബ്ലാസ്റ്റേഴ്സ് താരം പോലുമില്ല എന്ന നാണക്കേട് മാറാൻ സാധ്യതയുണ്ട്.എന്തെന്നാൽ വിബിൻ മോഹനൻ ഇന്ത്യൻ സ്‌ക്വാഡിൽ ഇടം കണ്ടെത്തിയിട്ടുണ്ട്.
നവംബർ പതിനെട്ടാം തീയതി ഹൈദരാബാദിൽ വെച്ചുകൊണ്ട് ഇന്ത്യ ഒരു സൗഹൃദ മത്സരം കളിക്കുന്നുണ്ട്. എതിരാളികൾ മലേഷ്യയാണ്.അതിനുള്ള സാധ്യത സ്‌ക്വാഡാണ് ഇന്ത്യയുടെ പരിശീലകനായ മാർക്കസ് പുറത്ത് വിട്ടിട്ടുള്ളത്. 26 താരങ്ങളാണ് ഇതിൽ ഉള്ളത്.അതിലൊരു താരം ബ്ലാസ്റ്റേഴ്സിന്റെ മലയാളി താരമായ വിബിൻ മോഹനനാണ്. അദ്ദേഹം ആദ്യമായി കൊണ്ടാണ് ഇന്ത്യൻ സ്‌ക്വാഡിൽ ഇടം കണ്ടെത്തുന്നത്.
എന്നാൽ ഫൈനൽ സ്‌ക്വാഡ് പ്രഖ്യാപിച്ചിട്ടില്ല. അതിൽ കൂടി ഇടം നേടിയാൽ മാത്രമാണ് ഇത് പൂർണമാവുക.അദ്ദേഹത്തിന് ഫൈനൽ സ്‌ക്വാഡിൽ അവസരം ലഭിക്കും എന്ന് തന്നെയാണ് ആരാധകർ പ്രതീക്ഷിക്കുന്നത്. കൂടാതെ മറ്റൊരു മലയാളി താരമായ ജിതിനും ഈ സ്‌ക്വാഡിൽ ഇടം കണ്ടെത്തിയിട്ടുണ്ട്. കഴിഞ്ഞ തവണ ബ്ലാസ്റ്റേഴ്സിനോടൊപ്പം ഉണ്ടായിരുന്ന ജീക്സൺ സിങ്ങും ഈ സ്‌ക്വാഡിൽ ഇപ്പോൾ ഇടം കണ്ടെത്തിയിട്ടുണ്ട്.
