കേരള ബ്ലാസ്റ്റേഴ്സിന് ഈ സീസണിൽ മോശമല്ലാത്ത ഒരു തുടക്കം ലഭിച്ചിരുന്നു. ആദ്യം മത്സരത്തിൽ ബംഗളൂരു എഫ്സിയെയും രണ്ടാം മത്സരത്തിൽ ജംഷെഡ്പൂർ എഫ്സിയെയും കേരള ബ്ലാസ്റ്റേഴ്സ് പരാജയപ്പെടുത്തുകയായിരുന്നു.എന്നാൽ ആ വിജയ കുതിപ്പ് പിന്നീട് തുടരാൻ ബ്ലാസ്റ്റേഴ്സിന് കഴിഞ്ഞില്ല. മുംബൈ സിറ്റിയോട് പരാജയപ്പെട്ട ബ്ലാസ്റ്റേഴ്സ് നോർത്ത് ഈസ്റ്റിനോട് സമനില വഴങ്ങുകയും ചെയ്തു.
കേരള ബ്ലാസ്റ്റേഴ്സിന്റെ ക്യാപ്റ്റനായ അഡ്രിയാൻ ലൂണ പതിവുപോലെ തകർപ്പൻ പ്രകടനമാണ് ഈ സീസണിൽ നടത്തുന്നത്. ആദ്യ രണ്ടു മത്സരങ്ങളിലും ഗോൾ നേടാൻ ലൂണക്ക് സാധിച്ചിരുന്നു.കഴിഞ്ഞ മത്സരത്തിൽ ഒരു അസിസ്റ്റ് കൂടി ലൂണയുടെ ഭാഗത്തുനിന്നുണ്ടായിരുന്നു. അങ്ങനെ ഈ സീസണിൽ ആകെ 3 ഗോൾ കോൺട്രിബ്യൂഷൻസ് ലൂണ വഹിച്ചു കഴിഞ്ഞു. മികച്ച ഫോമിൽ തന്നെയാണ് താരമുള്ളത്.
ഇതുവരെ നാല് റൗണ്ട് പോരാട്ടങ്ങളാണ് അവസാനിച്ചിട്ടുള്ളത്. അതായത് ഇന്ത്യൻ സൂപ്പർ ലീഗ് ഒഫീഷ്യലായി കൊണ്ട് 4 ടീം ഓഫ് ദി വീക്കുകൾ പ്രഖ്യാപിച്ചു കഴിഞ്ഞു. അതിൽ മൂന്ന് ടീം ഓഫ് വീക്കുകളിലും ഇടം നേടിയ താരമാണ് അഡ്രിയാൻ ലൂണ. കേരള ബ്ലാസ്റ്റേഴ്സിന്റെ ഏറ്റവും പ്രധാനപ്പെട്ട താരം ലൂണ തന്നെയാണ് എന്ന് തെളിയിക്കുന്നതാണ് ഈ കണക്കുകൾ.
🚨| Adrian Luna and Danish in @IndSuperLeague TOTW – 4. #KeralaBlasters #KBFC pic.twitter.com/BZqcO8LLz4
— Blasters Zone (@BlastersZone) October 24, 2023
സ്ഥിരമായി മികച്ച പ്രകടനം നടത്താൻ ഈ സൂപ്പർതാരത്തിന് കഴിയുന്നു എന്നുള്ളത് നമുക്ക് ഇതിൽ നിന്നും വ്യക്തമാകും.കേരള ബ്ലാസ്റ്റേഴ്സിന്റെ പ്രതീക്ഷകൾ മുഴുവനും ഈ താരത്തിൽ തന്നെയാണ്. എന്നാൽ മറ്റുള്ളവരിൽ നിന്നും അർഹമായ ഒരു പിന്തുണ ലഭിക്കാത്തത് കൊണ്ടാണ് കേരള ബ്ലാസ്റ്റേഴ്സിന് കഴിഞ്ഞ രണ്ടു മത്സരങ്ങളിലും നിരാശപ്പെടേണ്ടി വന്നത്.എന്നാൽ വരുന്ന മത്സരത്തിൽ ബ്ലാസ്റ്റേഴ്സ് ഫോമിലേക്ക് തിരിച്ചെത്തും എന്ന് തന്നെയാണ് ആരാധകർ പ്രതീക്ഷിക്കുന്നത്.
📊| Adrian Luna has been part of 3 out of 4 TOTW this season. #KeralaBlasters #ISL https://t.co/kuJYLrx8Lh pic.twitter.com/hnlgjNa2NM
— Blasters Zone (@BlastersZone) October 24, 2023
ഒഡീഷയാണ് ബ്ലാസ്റ്റേഴ്സിന്റെ എതിരാളികൾ. നാളെയാണ് ഈ മത്സരം നടക്കുക. പരിശീലകൻ ഇവാൻ വുകുമനോവിച്ച് മടങ്ങിയെത്തുന്ന ഒരു മത്സരം കൂടിയാണ് ഇത്.കേരള ബ്ലാസ്റ്റേഴ്സ് വിജയ വഴിയിലേക്ക് തിരിച്ചെത്തും എന്നാണ് എല്ലാവരും പ്രതീക്ഷിക്കുന്നത്.