ബ്ലാസ്റ്റേഴ്സിന് ഫിയാഗോ ഫാൻസ്‌ കപ്പിന്റെ ട്രോഫി ലഭിക്കും!
കേരള ബ്ലാസ്റ്റേഴ്സ് ഈയിടെ നടന്ന ഒരു ട്വിറ്റർ പോളിൽ വിജയിച്ചത് ഏറെ ശ്രദ്ധ നേടിയ ഒരു കാര്യമായിരുന്നു. അതായത് ജർമ്മനിയിലെ ഒരു പ്രശസ്ത ഫുട്ബോൾ ഇൻഫ്ലുവൻസറാണ് ഫിയാഗോ. അദ്ദേഹം തന്റെ ട്വിറ്ററിൽ ഒരു പോൾ കോമ്പറ്റീഷൻ സംഘടിപ്പിച്ചിരുന്നു. ഫുട്ബോൾ ലോകത്തെ പല ക്ലബ്ബുകളുടെയും ആരാധകർ തമ്മിലുള്ള ഒരു മത്സരമായിരുന്നു അത്.
Ac മിലാൻ ഉൾപ്പെടെയുള്ള പല വമ്പൻമാരെയും പരാജയപ്പെടുത്തിക്കൊണ്ട് ബ്ലാസ്റ്റേഴ്സ് ഫൈനലിൽ എത്തിയിരുന്നു. തുടർന്ന് ഫൈനലിൽ ജർമൻ ക്ലബ്ബായ ബൊറൂസിയക്കെതിരെ കടുത്ത പോരാട്ടമാണ് നടന്നത്. ഒടുവിൽ നേരിയ മാർജിനിൽ അവരെ പരാജയപ്പെടുത്തിക്കൊണ്ട് ബ്ലാസ്റ്റേഴ്സ് ഈ കോമ്പറ്റീഷൻ വിജയിക്കുകയായിരുന്നു. രണ്ട് ടീമുകളുടെയും ഒഫീഷ്യൽ അക്കൗണ്ടുകൾ വരെ ഇതിൽ ഇടപെട്ടിരുന്നു.
വിജയിക്കുന്ന ടീമിന്റെ മത്സരം കാണാൻ വേണ്ടി അവരുടെ സ്റ്റേഡിയത്തിൽ എത്തുമെന്ന് ഫിയാഗോ വാക്ക് നൽകിയിരുന്നു.ഈ മാസം അവസാനം അദ്ദേഹം കേരള ബ്ലാസ്റ്റേഴ്സിന്റെ മത്സരം കാണാൻ വേണ്ടി കൊച്ചിയിൽ വരുന്നുണ്ട്. ഇതുമായി ബന്ധപ്പെട്ടുകൊണ്ടുള്ള ഒരു അറിയിപ്പ് അദ്ദേഹം നൽകുകയും ചെയ്തിട്ടുണ്ട്.ഫിയാഗോ ഫാൻസ്‌ കപ്പ് വിജയിച്ച കേരള ബ്ലാസ്റ്റേഴ്സ് ഒരു ട്രോഫി അദ്ദേഹം കൈമാറും.താൻ ട്രോഫി കൊണ്ടുവരുന്നുണ്ട് എന്ന കാര്യം ഫിയാഗോ തന്നെയാണ് തന്റെ ട്വിറ്ററിലൂടെ അറിയിച്ചിട്ടുള്ളത്.
കേരള ബ്ലാസ്റ്റേഴ്സിന്റെ ആരാധകർക്ക് ലഭിച്ച അംഗീകാരമാണ് ഇത്. ബ്ലാസ്റ്റേഴ്സ് ആരാധകരുടെ കരുത്ത് ലോകോത്തര നിലവാരത്തിലുള്ളതാണ് എന്നതിന്റെ തെളിവ് കൂടിയാണ് ഇത്. സോഷ്യൽ മീഡിയയിലും സ്റ്റേഡിയത്തിലും ബ്ലാസ്റ്റേഴ്സ് ആരാധകർ എപ്പോഴും തങ്ങളുടെ പ്രിയപ്പെട്ട ക്ലബ്ബിനെ പിന്തുണക്കാൻ എത്താറുണ്ട്. പക്ഷേ ക്ലബ്ബിന്റെ പ്രകടനവും റിസൾട്ടുമൊക്കെ മോശമാകുന്നത് എപ്പോഴും ആരാധകരെ നിരാശപ്പെടുത്തുന്ന കാര്യമാണ്.
