മിന്നൽ വേഗത്തിലുള്ള താരത്തിന്റെ സൈനിങ് പ്രഖ്യാപിച്ച് ബ്ലാസ്റ്റേഴ്സ്!
കേരള ബ്ലാസ്റ്റേഴ്സ് ഇതുവരെ രണ്ട് താരങ്ങളുടെ സൈനിങ്ങ് ആയിരുന്നു ഔദ്യോഗികമായി പ്രഖ്യാപിച്ചിരുന്നത്. ഗോൾകീപ്പർ സോം കുമാറിനെയാണ് ബ്ലാസ്റ്റേഴ്സ് ആദ്യമായ് ടീമിലേക്ക് എത്തിച്ചിട്ടുള്ളത്. അതിനുശേഷം വിങ് ബാക്ക് പൊസിഷനിൽ കളിക്കുന്ന ലിക്മാബാം രാകേഷിനെ ബ്ലാസ്റ്റേഴ്സ് സ്വന്തമാക്കിയിരുന്നു. ഈ രണ്ട് സൈനിംങ്ങുകൾക്ക് പുറമേ ഇന്ന് ഒരു സൈനിങ് ഉണ്ടാവുമെന്ന് ബ്ലാസ്റ്റേഴ്സ് അറിയിച്ചിരുന്നു.
അത് ഇപ്പോൾ ഒഫീഷ്യലായി കൊണ്ട് ക്ലബ്ബ് പ്രഖ്യാപിച്ചിട്ടുണ്ട്. മുന്നേറ്റ നിരയിലേക്ക് ഇന്ത്യൻ സൂപ്പർതാരമായ റെന്ത്ലെയ് ലാൽതൻമാവിയയെയാണ് ക്ലബ്ബ് സ്വന്തമാക്കിയിട്ടുള്ളത്.ഇക്കാര്യത്തിൽ ഒഫീഷ്യൽ പ്രഖ്യാപനം വന്നു കഴിഞ്ഞു. മൂന്ന് വർഷത്തെ കരാറിലാണ് ഈ യുവ സൂപ്പർ താരം ഒപ്പു വെച്ചിട്ടുള്ളത്.ഐ ലീഗ് ക്ലബ്ബായ ഐസ്വാൾ എഫ്സിയിൽ നിന്നാണ് അദ്ദേഹം ഇപ്പോൾ വരുന്നത്.
ഐസ്വാൾ എഫ്സിയിലൂടെ വളർന്ന താരം തന്നെയാണ് ഇദ്ദേഹം.2022/23 സീസണിലാണ് അവരുടെ സീനിയർ ടീമിന് വേണ്ടി ഈ താരം കളിച്ചു തുടങ്ങിയത്.മികച്ച പ്രകടനം ഈ വിങ്ങർ നടത്തിയിട്ടുണ്ട്.42 മത്സരങ്ങൾ ആകെ ക്ലബ്ബിന് കളിച്ചതാരം 5 ഗോളുകളും 8 അസിസ്റ്റുകളും സ്വന്തമാക്കിയിട്ടുണ്ട്.
വേഗത കൊണ്ട് പ്രശസ്തനായ താരമാണ് ലാൽതൻമാവിയ. അത് സൂചിപ്പിക്കുന്ന ഒരു വീഡിയോ ഇറക്കി കൊണ്ടാണ് ബ്ലാസ്റ്റേഴ്സ് ഈ പ്രഖ്യാപനം നടത്തിയിട്ടുള്ളത്.മിന്നൽ വേഗത്തിലുള്ള ഒരു താരത്തെയാണ് ക്ലബ്ബ് ഇപ്പോൾ കൊണ്ടുവന്നിട്ടുള്ളത് എന്നാണ് അവകാശപ്പെടുന്നത്.താരത്തിന് തിളങ്ങാൻ കഴിയും എന്ന് തന്നെയാണ് ആരാധകർ പ്രതീക്ഷിക്കുന്നത്.
