ഈ സീസണിൽ മികച്ച പ്രകടനം നടത്തിയ കിലിയൻ എംബപ്പേ.ക്ലബ്ബിനും രാജ്യത്തിനും വേണ്ടി ആകെ 54 ഗോളുകളാണ് ഈ സീസണിൽ എംബപ്പേ നേടിയിട്ടുള്ളത്. ഖത്തർ വേൾഡ് കപ്പിൽ എട്ടു ഗോളുകൾ എംബപ്പേയായിരുന്നു ഗോൾഡൻ ബൂട്ട് സ്വന്തമാക്കിയിരുന്നത്.
ഇത്തവണത്തെ ബാലൺ ഡി’ഓർ പുരസ്കാരത്തിന് ഏറ്റവും കൂടുതൽ സാധ്യത കൽപ്പിക്കപ്പെടുന്നത് ലയണൽ മെസ്സിക്കും ഏർലിംഗ് ഹാലന്റിനുമാണ്.എന്നാൽ കിലിയൻ എംബപ്പേയുടെ അഭിപ്രായത്തിൽ അദ്ദേഹം തന്നെ ഇത്തവണത്തെ ബാലൺഡി’ഓർ അർഹിക്കുന്നുണ്ട്. പുതിയ ഇന്റർവ്യൂവിലാണ് അദ്ദേഹം ഇത് പറഞ്ഞത്.
ഇത്തവണത്തെ ബാലൺഡി’ഓർ പുരസ്കാരം എനിക്ക് ലഭിക്കാൻ സാധ്യതയുണ്ടോ എന്ന് ചോദിച്ചാൽ അത് പറയൽ ബുദ്ധിമുട്ടാണ്. കാരണം അത് വ്യക്തിഗത അവാർഡുകളാണ്.ബാലൺ ഡി ഓറിന്റെ ക്രൈറ്റീരിയ ഞാൻ മനസ്സിലാക്കിയിട്ടുണ്ട്. അതുപ്രകാരം ഇത്തവണത്തെ ബാലൺഡി’ഓർ അവാർഡ് ഞാൻ അർഹിക്കുന്നുണ്ട്,എംബപ്പേ പറഞ്ഞു.
മികച്ച പ്രകടനം ഈ സീസണിൽ നടത്താൻ കഴിഞ്ഞിട്ടുണ്ടെങ്കിലും ടീമിനോടൊപ്പമുള്ള കിരീടം നേട്ടങ്ങൾ അദ്ദേഹത്തിന് കുറവാണ്. അതുകൊണ്ടുതന്നെ താരത്തിന് ബാലൺഡി’ഓർ ലഭിക്കാൻ സാധ്യതയില്ല.