ഇതൊരു പ്രധാനപ്പെട്ട മത്സരമാണെന്ന് മനസ്സിലാക്കൂ, ആരാധകരെയാണ് തങ്ങൾ ആശ്രയിക്കുന്നതെന്ന് ലൂണ!

കേരള ബ്ലാസ്റ്റേഴ്സ് നാളെ ഇന്ത്യൻ സൂപ്പർ ലീഗിൽ ഹൈദരാബാദ് എഫ്സിയെയാണ് നേരിടുന്നത്. എട്ടാം റൗണ്ട് മത്സരമാണ് ഇത്.7 മത്സരങ്ങൾ പൂർത്തിയായപ്പോൾ കേവലം രണ്ട് വിജയങ്ങൾ മാത്രമാണ് നേടാൻ കഴിഞ്ഞിട്ടുള്ളത്.ഈ മത്സരം കൊച്ചിയിൽ വെച്ചു കൊണ്ടാണ് നടക്കുന്നത്.മത്സരത്തിൽ വിജയം നേടേണ്ടത് ബ്ലാസ്റ്റേഴ്സിന് നിർബന്ധമായ കാര്യമാണ്.

അല്ലെങ്കിൽ കാര്യങ്ങൾ കൂടുതൽ മോശമാവുകയാണ് ചെയ്യുക. ഇപ്പോൾ തന്നെ പോയിന്റ് പട്ടികയിൽ ബ്ലാസ്റ്റേഴ്സ് പത്താം സ്ഥാനത്താണ്.ഈ മത്സരത്തിന് മുന്നേ ക്യാപ്റ്റൻ അഡ്രിയാൻ ലൂണ ചില കാര്യങ്ങൾ പറഞ്ഞിട്ടുണ്ട്. ഇതൊരു പ്രധാനപ്പെട്ട മത്സരമാണെന്ന് താൻ ഊന്നിപറയാൻ ആഗ്രഹിക്കുന്നു എന്നാണ് അദ്ദേഹം പറഞ്ഞിട്ടുള്ളത്. ആരാധകരെയാണ് എപ്പോഴും തങ്ങൾ ആശ്രയിക്കുന്നതെന്നും ലൂണ പറഞ്ഞിട്ടുണ്ട്.അദ്ദേഹം പറഞ്ഞത് നോക്കാം.

‘ ഹൈദരാബാദിനെതിരെ ഞങ്ങൾ ഹോമിൽ വെച്ചു കൊണ്ടാണ് കളിക്കുന്നത്.ഈ മത്സരം വളരെയധികം നിർണായകമാണ് എന്നത് ഊന്നി പറയാൻ ഞാൻ ആഗ്രഹിക്കുന്നു.ഓരോ മത്സരങ്ങളും ഞങ്ങൾ തീവ്രമായ രൂപത്തിൽ കളിക്കണം.ഹോമിൽ വിജയങ്ങൾ നേടണമെങ്കിൽ ഞങ്ങൾ നല്ല നിശ്ചയദാർഢ്യത്തോടുകൂടി കളിക്കണം.ആരാധകരുടെ ഊർജ്ജമാണ് ഞങ്ങൾക്കുള്ള പ്രചോദനം. അവരെയാണ് ഞങ്ങൾ നന്നായി ആശ്രയിക്കുന്നത് ‘ഇതാണ് ബ്ലാസ്റ്റേഴ്സ് ക്യാപ്റ്റൻ പറഞ്ഞിട്ടുള്ളത്.

അഡ്രിയാൻ ലൂണ ഇപ്പോൾ മോശം പ്രകടനമാണ് നടത്തുന്നത്.ആരാധകർ പ്രതീക്ഷിക്കുന്ന രൂപത്തിലുള്ള ഒരു പെർഫോമൻസ് ഇതുവരെ പുറത്തെടുക്കാൻ അദ്ദേഹത്തിന് കഴിഞ്ഞിട്ടില്ല.അതുകൊണ്ടുതന്നെ ഈ ക്യാപ്റ്റനും വിമർശനങ്ങൾ ലഭിക്കുന്നുണ്ട്.ലൂണ ഉടൻ തന്നെ പഴയ ലൂണയായി മാറും എന്നാണ് ആരാധകർ പ്രതീക്ഷിക്കുന്നത്.