സൗദി അറേബ്യ ഇപ്പോൾ സൃഷ്ടിച്ചുകൊണ്ടിരിക്കുന്ന വിപ്ലവത്തിന് കാരണക്കാരനായത് ക്രിസ്റ്റ്യാനോ റൊണാൾഡോയാണ് എന്നത് നഗ്നമായ സത്യമാണ്.ഈ വർഷത്തിന്റെ തുടക്കത്തിൽ ആയിരുന്നു റൊണാൾഡോ സൗദി അറേബ്യയിലേക്ക് എത്തിയത്. അതൊരു മാറ്റത്തിന്റെ തുടക്കമായിരുന്നു. സൗദി അറേബ്യ ലോകത്തിലെ ഏറ്റവും മികച്ച ലീഗുകളിൽ ഒന്നായി മാറുമെന്ന് പറഞ്ഞപ്പോൾ എല്ലാവരും റൊണാൾഡോയെ പരിഹസിച്ചു.
ഇന്ന് യൂറോപ്പ് തന്നെ സൗദിയിലേക്ക് ഒഴുകുന്ന കാഴ്ച്ചയാണ്. നെയ്മർ ജൂനിയർ അടക്കമുള്ള നിരവധി താരങ്ങളാണ് ഇന്ന് സൗദിയിലേക്ക് എത്തിയിട്ടുള്ളത്.ഇതെല്ലാം തുടങ്ങിവച്ചത് റൊണാൾഡോയാണ് എന്നൊരു നെയ്മർ തന്നെ തുറന്നു പറഞ്ഞു.അന്ന് ക്രിസ്റ്റ്യാനോക്ക് ഭ്രാന്താണോ എന്ന് ചോദിച്ചു കൊണ്ട് പലരും പരിഹസിച്ചുവെന്നും എന്നാൽ ഇന്നിപ്പോൾ സൗദിയിലേക്ക് ഒരുപാട് ആളുകൾ വരുന്നുവെന്നുമാണ് നെയ്മർ പറഞ്ഞത്.
ഇതെല്ലാം തുടങ്ങിവച്ചത് ക്രിസ്റ്റ്യാനോ റൊണാൾഡോയാണ് എന്നാണ് ഞാൻ വിശ്വസിക്കുന്നത്. അന്ന് എല്ലാവരും അദ്ദേഹത്തിന് ഭ്രാന്താണോ എന്ന് ചോദിച്ചു കൊണ്ട് പരിഹസിച്ചു. എന്നാൽ ഇന്നിപ്പോൾ എന്തായി, ഈ ലീഗ് ഓരോ ദിവസം കൂടുന്തോറും വളരുന്നു. ഇതിനെല്ലാം കാരണക്കാരൻ ക്രിസ്റ്റ്യാനോ റൊണാൾഡോയാണ്,നെയ്മർ അൽ ഹിലാലിന്റെ വീഡിയോയിൽ പറഞ്ഞു.
ആകർഷകമായ സാലറി സൗദിയിൽ ലഭിക്കുന്നുണ്ട് എന്നത് ഒരു സത്യമാണെങ്കിലും ക്രിസ്റ്റ്യാനോ റൊണാൾഡോ വന്നതോടുകൂടിയാണ് താരങ്ങൾക്ക് സൗദിയിലേക്ക് വരാനുള്ള ഒരു ധൈര്യം വന്നത്.ക്രിസ്റ്റ്യാനോ റൊണാൾഡോ വരെ കളിക്കുന്ന ലീഗ് ആയതുകൊണ്ട് ആത്മവിശ്വാസത്തോടുകൂടി താരങ്ങൾ സൗദിയിലേക്ക് വന്നു തുടങ്ങി.ബെൻസിമയും ഫിർമിഞ്ഞോയും മാനെയുമെല്ലാം ഇന്ന് സൗദിയിലാണ്.