നോവ എന്ന് തിരിച്ചെത്തും? കൃത്യമായ മറുപടി നൽകി സ്റ്റാറേ!

അവസാനമായി കളിച്ച രണ്ട് മത്സരങ്ങളിലും ബ്ലാസ്റ്റേഴ്സ് തോൽവി വഴങ്ങുകയാണ് ചെയ്തിട്ടുള്ളത്.ബംഗളൂരു എഫ്സിയോട് ഒന്നിനെതിരെ 3 ഗോളുകൾക്ക് ബ്ലാസ്റ്റേഴ്സ് പരാജയപ്പെട്ടു. അതിനുശേഷം ഇന്നലെ നടന്ന മത്സരത്തിൽ മുംബൈ സിറ്റിയാണ് ബ്ലാസ്റ്റേഴ്സിനെ തോൽപ്പിച്ചത്. രണ്ടിനെതിരെ നാല് ഗോളുകൾക്കായിരുന്നു ബ്ലാസ്റ്റേഴ്സിന് പരാജയം ഏറ്റുവാങ്ങേണ്ടി വന്നത്.

ഈ രണ്ടു മത്സരങ്ങളിലും ബ്ലാസ്റ്റേഴ്സ് ഏറ്റവും കൂടുതൽ മിസ്സ് ചെയ്തത് സൂപ്പർ താരം നോവ സദോയിയെയാണ്.ബ്ലാസ്റ്റേഴ്സിന് വേണ്ടി ഈ സീസണിൽ ഏറ്റവും മികച്ച പ്രകടനം പുറത്തെടുത്ത താരമാണ് നോവ. എന്നാൽ പരിക്ക് കാരണമാണ് കഴിഞ്ഞ രണ്ട് മത്സരങ്ങളിലും നോവക്ക് കളിക്കാൻ കഴിയാതിരുന്നത്. നോവ എന്ന് തിരിച്ചു വരും എന്ന ചോദ്യം ബ്ലാസ്റ്റേഴ്സ് പരിശീലകനായ സ്റ്റാറേയോട് ഇന്നലെ ചോദിച്ചിരുന്നു.കൃത്യമായ ഒരു മറുപടി അദ്ദേഹം നൽകിയിട്ടുണ്ട്. അദ്ദേഹം പറഞ്ഞത് നോക്കാം.

‘നോവ ട്രെയിനിങ് വീണ്ടും ആരംഭിച്ചിട്ടുണ്ട്.അതുകൊണ്ടുതന്നെ അദ്ദേഹം അടുത്ത മത്സരത്തിൽ തിരിച്ചെത്തും. അതിന് സാധിച്ചിട്ടില്ലെങ്കിൽ ഇന്റർനാഷണൽ ബ്രേക്കിന് ശേഷം തിരിച്ചെത്തും ‘ ഇതാണ് കേരള ബ്ലാസ്റ്റേഴ്സിന്റെ പരിശീലകൻ പറഞ്ഞിട്ടുള്ളത്.

അടുത്ത മത്സരം ബ്ലാസ്റ്റേഴ്സ് ഹൈദരാബാദിനെതിരെയാണ് കളിക്കുക. ആ മത്സരത്തിൽ നോവ തിരിച്ചെത്താൻ സാധ്യതയുണ്ട്.അതിന് കഴിഞ്ഞിട്ടില്ലെങ്കിൽ ഇന്റർനാഷണൽ ബ്രേക്കിന് ശേഷം തിരികെ എത്തും എന്നത് ഉറപ്പാണ്. ഇന്റർനാഷണൽ ബ്രേക്കിന് ശേഷം ബ്ലാസ്റ്റേഴ്സ് ചെന്നൈയിൻ എഫ്സിയെയാണ് നേരിടുക.ആ മത്സരത്തിൽ നോവ ഉണ്ടാകുമെന്നത് ഉറപ്പായി കഴിഞ്ഞിട്ടുണ്ട്.