ദുരൂഹതകൾക്ക് വിട,പ്രബീർ ദാസ് തിരിച്ചെത്തിയത് മാസ്ക്കും മെസ്സേജുമായി!
കഴിഞ്ഞ സീസണിലായിരുന്നു കേരള ബ്ലാസ്റ്റേഴ്സ് ഡിഫൻസിലേക്ക് ഇന്ത്യൻ സൂപ്പർ താരമായ പ്രബീർ ദാസിനെ കൊണ്ടുവന്നത്.ആദ്യത്തെ മത്സരങ്ങളിൽ അദ്ദേഹം മികച്ച പ്രകടനം നടത്തുകയും ചെയ്തിരുന്നു. പക്ഷേ പിന്നീട് ആ പ്രകടനം അദ്ദേഹത്തിൽ നിന്നും കാണാൻ കഴിഞ്ഞിരുന്നില്ല. എന്നാൽ ഈ സീസൺ തികച്ചും ദുരൂഹമായിരുന്നു.പ്രബീർ ദാസിനെ കുറിച്ച് കൃത്യമായ വിവരങ്ങൾ ഒന്നും തന്നെ ലഭ്യമായിരുന്നില്ല.
അതായത് ഈ സീസണിൽ ഒരു മത്സരത്തിൽ പോലും അദ്ദേഹം കളിച്ചിട്ടില്ല.ടീമിൽ പോലും ഇടം നേടാൻ അദ്ദേഹത്തിന് കഴിഞ്ഞിരുന്നില്ല. പരിക്കിന്റെ പിടിയിലാണ് എന്ന റൂമറുകൾ ഉണ്ടായിരുന്നുവെങ്കിലും വ്യക്തമായ വിവരങ്ങൾ ലഭ്യമായിരുന്നില്ല. എന്ന് തിരിച്ചെത്തും എന്ന കാര്യത്തിലും വിവരങ്ങൾ ഉണ്ടായിരുന്നില്ല. അങ്ങനെ ആകെ മൊത്തം ദുരൂഹതകളായിരുന്നു താരത്തിന്റെ കാര്യത്തിൽ ഉണ്ടായിരുന്നത്.
എന്നാലിപ്പോൾ അതിനൊക്കെ ഒരു അവസാനമായിട്ടുണ്ട്.പ്രബീർ ദാസ് ഇപ്പോൾ തിരിച്ചെത്തി കഴിഞ്ഞു. അദ്ദേഹം ബ്ലാസ്റ്റേഴ്സ് ക്യാമ്പിൽ ട്രെയിനിങ് നടത്തുന്നതിന്റെ ചിത്രങ്ങൾ താരം തന്നെ ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്.മുഖത്ത് അദ്ദേഹം ഒരു മാസ്ക് വെക്കുകയും ചെയ്തിട്ടുണ്ട്.മൂക്കിന് പരിക്കേറ്റാൽ ഫുട്ബോൾ താരങ്ങൾ ധരിക്കാറുള്ള മാസ്ക്കാണ് അദ്ദേഹം അണിഞ്ഞിരിക്കുന്നത്.കൂടാതെ ഒരു മെസ്സേജും അദ്ദേഹം ഇൻസ്റ്റഗ്രാമിലൂടെ നൽകിയിട്ടുണ്ട്. അദ്ദേഹം എഴുതിയത് നോക്കാം.
‘ ഒരു താരത്തിന്റെ യാത്രയിൽ പരിക്കുകൾ എപ്പോഴും വലിയ തിരിച്ചടിയാണ്. പക്ഷേ നമ്മൾ പൂർവ്വാധികം കരുത്തോടുകൂടി തിരിച്ചുവരും.ഈ സമയത്ത് എന്നോടൊപ്പം നിലകൊണ്ട ടീമിലെ എല്ലാവരോടും ഞാൻ നന്ദിയുള്ളവനാണ്. എന്റെ ഏറ്റവും മികച്ച വേർഷൻ വീണ്ടും നമുക്ക് കാണാം ‘ഇതാണ് പ്രബീർ ദാസ് എഴുതിയിട്ടുള്ളത്.
അതായത് ഇത്രയും കാലം അദ്ദേഹം പരിക്കിന്റെ പിടിയിലായിരുന്നു.ഇപ്പോൾ അതിൽ നിന്നും മുക്തനായി കൊണ്ട് അദ്ദേഹം തിരിച്ചെത്തിയിട്ടുണ്ട്. അടുത്ത മത്സരം ബ്ലാസ്റ്റേഴ്സ് മുംബൈ സിറ്റിക്കെതിരെയാണ് കളിക്കുക. ആ മത്സരത്തിനുള്ള ടീമിൽ പ്രബീർ ദാസിനെ ബ്ലാസ്റ്റേഴ്സ് പരിശീലകൻ ഉൾപ്പെടുത്തുമോ എന്നത് വ്യക്തമല്ല. അദ്ദേഹത്തിന്റെ തിരിച്ചുവരവ് ബ്ലാസ്റ്റേഴ്സ് പ്രതിരോധത്തിൽ കൂടുതൽ ഓപ്ഷനുകൾ ലഭ്യമാകാൻ കാരണമാകും.
